मायाके चिठ्ठी-३
"एकठो गाउँमे माया रहिन । जस्टे नाउँ माया फेन ओस्टेहे रहिंन बरेसुग्घुर । गाउँमे हुँकार छोटमोट मिझ्नि पसल फेन रहिन । चिया से लेके कलुवा मिझनी खाइ मनै उहाँ अइना करिंट । माया के बोली बरे मिठास टेलार रहिन । बहुट मनै हुँकार गफ ओनाइ अइन ओ रमैना किरीट । एकठो हुँकार संघरिया फेन रहिन "प्रेम" बरे मिल्ना एक डोसरहे बहुट मानिट एक्के संगे खैना सुट्ना खेल्ना रमाके ओइनके डिन बिटिन तर समयके खेल एकरोज डुनुजे बरे डुर डुर होगिलैं । भेंट नैहुइना एक डोसरसे बाटचिट करे नै पैना । आप बाट कर्ना एक्ठो किल माध्यम रहिन चिठ्ठी !हाँ उहे चिठ्ठीक् साहारासे उ डुनुजे बाट करठैं । "
मायाके चिठ्ठी २ में माया प्रेमहे अपन मनक बाट असिक लिख्ले रहिन ।
मोर आत्मिय संघरिया मोर हृदयसे मैगर मैयाँ ओ सम्झना बा कना चहटुँ ।
प्रेम मै ढेर बाट पहिला चिठ्ठीम् लिख सेकल बटुँ टबफेन मनक् बाट कबुनै ओराई जहाँ सम जिन्गि रहि उहै सम् मनक् भिट्टरसे एक एक शब्द निकर्टि रहि । जाट्टिसे कहटुँ प्रेम इ डुनिया हमार घर नै हो ।
हाँ प्रेम मै यहाँक बाट का बटाउँ टुहिन पटै टे बा । सँसार सारा नास के हो इ सँसारके नाहि मै उ ठाउँक बाट कर्ना चहटुँ उहाँ जौन हमार दोस्रो जिवनके घर हो । टुहिन पटै टे बा डोस्रो जिवनके घरे ओ देशमे कौनो चिजके अभाव नैहो । जैना डग्गर फेन पटै बा प्रवेश कर्ना डुवार फेन पटैबा । हमार संगे नेंगलक् डग्गर फेन अभिन ओसहे लागट ।
हाँ प्रेम अभिनफेन हम्रे उ सृष्ति कर्ताके घर भेताई सेक्बि। ओ आनन्द मनाई सेक्बि ओ हम्रे अन्गिन्ती सुग्घुरसे महा सुग्घुर असलसे महा असल मित्र हुँकनसे आनन्दित जीवन बिताई सेक्बि । असिन जीवन कि कबु अन्त नैहुईना जीवन। हाँ प्रेम मोर आत्मीक भावना हेर्ती जैहो मोर सक्कु मनक बाट चिठ्ठिम पैने बटो ।
प्रेम मै बिस्वास करटुँ अवस्य मोर चिठ्ठिक् प्रतीक्षाम हुइबो । हाँ प्रेम मै अपन भावना आघे नमैनासे पहिले टुहार पठाइल चिठ्ठी उघारके हेर्नु । बहुत खुशी लागल बा महिन टुहाँर चिठ्ठी पहरके इ अपन मनम उकुस मुकुस हुईती रहल सँग्रल भावना इ चिठ्ठिम् लिखे पुगल बाटु । एकथो अनुरोध करतुँ प्रेम मोर भावनासे भरल चिठ्ठी मे कुछ मनडुखैना शब्द भेटाजैको टे माफ करहो । मोर नोनार फिक्कल भावना चिख्के बिचार कर्हो । यदि मिठ लागि कलेसे पोक्रि पारके ह्दयक् भौंकामे धैलेहो । मन नैपरि अथवा मिठ नैलागी कलेसे घुरौरामे फेकाडेहो । प्रेम हमार बाट मुख्य कर्के जीबनके बिषय लेके सुरु हुईल बा । जिन्गिक यात्रा से हमार चिठ्ठी सुरुहुइल हो, उहे जिन्गिक हरेक मोडके सु:ख डु:ख के बाट लेके मनक बाट सुनैना कर्ठि ।
मै टुहाँर चिठ्ठिक् एक एक पन्ना बिल्टैटि हेर्ने ओ पहर्ती गैनु । विशेष कैके जीवनके बाट लेके लिख्ले बटो । जीवनके परीभाषा ओ अपन शारिरीक् जीवनके टिट् मीठ् बट्कोहि लिख्ले बटो । जीवनहे अद्रिक अद्रिक बस्तुमे तुलना करल भेटैनु । कहुँ कलेबटो जीवन लदिया जस्तै हो,कहुँ कलेबटो जीवन फुला जस्तेै हो,कहुँ जीवन रुख्वक पतिया जसिन हो, कहुँ जीवन सु:ख दुःखके मिलन हो, कहुँ जीवन एक सँघर्ष हो । कहुँ जीवन एक सँघर्ष हो, कहुँ जीवन शिक्षा हो,कहुँ जीवन मिलन बिछोड् हो, कहुँ जीवन तराजुक पल्ला हो, कहुँ जीवन अनुभवके शास्त्र हो, कहुँ जीवन समयसे कर्ना सम्झौता हो, कहुँ जीवन प्रेम हो, कहुँ जीवन परिवर्तनशिल मार्ग हो, कहुँ जीवन बिहानिक शीत जसिन हो, कहुँ जीवन भगवानके डेहल मुल्यवान सुन्दर पहुँरा हो ।
हाँ जात्तीसे कनाहो कलेसे जीवन परमेश्वरके डेहल उपहार हो । मानवके शरिर परमेश्वर प्रथममे अपन हाँयसे बनैलै ओ परमेश्वर मानिनहे माटिक भुमिसे बनैलैं ओ जिवनके साँस फुकडेलै ओ मानै जिबित प्राणी हुइल ( उत्पत्ती २:७ बाईबल ) मे लिखल बा । परमप्रभु परमेश्वर मानवके शरिर अपन श्वरुपमे बनौेलै। ताकी सारा सृष्तीहेँ अपन अधिकारमे लेहे सेकिँत...। हाँ प्रेम मै टुहाँर मनक भावना टुहार चिठ्ठिम पहर्नु बहुट मजा लागल मै टुहाँर एक एक चिठ्ठि पहर्टि गेेनु आज उहे बाट से मोर मन जिट सेकल बटो । लिख्ना मन बहुट बा टर डोसर चिठ्ठिम लिखम् कटि बिडा चाहटुँ । मै टुहाँर माया ।
असिके मायाके पहिला चिठ्ठी अन्त हुइल रहिन ।
मायाके चिठ्ठी-३
मोर आत्मिय संघरिया प्रेम हृदयसे मैगर मैयाँ ओ सम्झना बा कना चाहटुँ ।
प्रेम मै ढेर बाट पहिला दोस्रा चिठ्ठीम् लिख सेकल बटुँ टबफेन मनक् बाट कबुनै ओराई जहाँ सम जिन्गि रहि उहै सम् मनक् भिट्टरसे एक एक शब्द निकर्टि रहि । जाट्टिसे कहटुँ प्रेम ...।
प्रेम टुहाँर चिठ्ठिम् जीवन का हो ! जीवन कैसीक पैलि!जीवन कैसीक ओराईट! जिवनके कथा ओ भुमिका कैसीन रथीस! कना बाटेम् धेर चिठ्ठी हेर्नू जोन स्वर्ग पृथ्वी अकाश के सृष्टि कर्ता के वचन ओ मानव जाटिनके भावनाले भरल बा । प्रेम हम्र मनैनके जीवन शारिरीक यात्राहे किल सम्झठि टर पवित्र बाईबल बटैले बा हमार मानव जाटीनके आत्मिक जीवन फेन बा ओ मृटुफे डुठो बा । सँसारिक मनै जीवन पलभरके रहट । टर आत्मिक जीवन अनन्त बा । शरिर नास हुईना चिज हो। पवित्र बाईबल बटैले बा प्रमेश्वर मानैनहे भुमिक माटिसे बनैलैं । ओ ओकर नाकेम् जिवनके सास फुकडेलैं। ओ मानै जिबिट प्राणी हुइल । (उत्पत्ति२:७) प्रेम टुहिन पटै बा टुहाँर कहल अन्सार जीवन क्षण भरके किल हो कलेबटो । हाँ प्रेम शरिर केवल क्षण भरके हो। प्रेम सुनोना बाट करी शरिरके । जीवन हमार सँसारमे पहुनी खाई आईल जस्टे बा।
प्रेम आप मै शरिरके काहानिओर लागटुँ। शरिर हमार क्षण भरके किल हो कना सबजहन पटा बा । हम्र एकदिन यी सँसारमे अईली ओ एकदिन फेन जैना बा । कनाफे सबजहन पटा बा। प्रेम शारिरक् जिवन हमार लौली दुल्हि अपन लैहरसे घर छोरके करम घर जिन्गि काटे जाइलग्ठैं टब रो-रोके जैठैँ। ओस्टक हम्रे फेन यी जाली पापी सँसारमे प्रबेश करेबर पहिलो सांस लेटी रोके सुरुवाट कर्ठि। हरेक मानव जब यी सँसारमे अपन डाइक गर्भसे धर्तीमे प्रबेश करट टब अपन जीवन सर्वप्रथम रोके सुरुवाट करट। उहे रोजसे हरेकके जिन्गिक् शिलशीला चिन्ता-फिक्री दु: ख-कस्ट भुँख-प्यास अनेक समस्यासे यात्रा कर्टि जाईट ।
प्रेम जब मानव धर्टिम जलम लेहट कि उ अपन शरिरके लाग टर्पेलागट। जब मनै बच्चा के रुपमे रहट टब उ रो- रोके अपन शरिरीक भुँख के लाग टरपट। जब उ शरिर मे भारी हुईटी जाईट टब अपन शरिरके बाहिरि देखौटी के पोसाक सिँगार के लाग टरपट। मानव के जाटि दुई थो किल बटैँ महिला पुरुष इ सबजहन पता बा। मानव अपन शारिरिक आनन्द मोजमज्जा खुशि के लाग ओ मनैन के नजर मे सुग्घर देखाइकलाग अनेक प्रकारके घिन लग्ना कार्य करे पुग्ठैं । केवल अपन शरिरके लाग । जो कि सब जहनपटै बा शरिर के आनन्द ओ शरिर फेन क्षण भरके मात्र हो। ओ कठैँ शरिरके जीवन एकठो फुला जस्टै हो। टब फेन हम्रे मनै नै सोचे सेक्ले हुइटि कि हम्रे एकठो सुग्घुर बास्ना देना फुलाके रुप मे बनी।
जस्टक सुग्घुर फुला, मिठ बास्ना देना फुला हे कथि कत्रा सुग्घुर फुला, कत्रा मिठ बास्ना देहट् कैक बहुट मैयाँ कर्ठि ओ बहुट प्रशंसा कर्ठि। ओ सुग्घुर फुलक सँख्या ध्यार करैना सोँच्ठि। ओस्टे हमार मानव जीवन सँसारमे फुला जस्टे हो। हम्रहिन फुलैना फरैना एकठो बाटै जे हमार सृष्टि करल उ परमेश्वर हुइटैं । हम्रे सुग्घुर फुला बनके एकठो नमुना बन्ना बा इ दुनियामे टब हमार इज्जट मान समॐमान हुइ । कटि आझुक् चिठ्ठी अत्रे लिखटुँ, बँछ बाट औरे चिठ्ठिम लिखम् । मै टुहाँर माया ।
0 टिप्पणियाँ