मघौटा शुभ कामना

 

Maghuta Suvakamana 

थारु सं०२६४७ माघ 

ना जार ना घाम ठिक्केपर माघक महिना हो । कठैं संपार रना बेला फेन माघ हो कटि । इ बेला बोट्नि बोइनि फेन ओराई रहठ । साइड इहे मारे हुइ माघ हमार थारुनके लाग बरे खुसिक् ओ बर्का टिह्वार मान जाइट् । 

माघ महिनक् पहिला बिहान लहाखोरके अपने आपहे पबित्र करैटि भगवान ओ जलम डेना डाइ बाबा हे सेवा लग्टि अपनसे भारि मनैनसे बरकट् लेना ओ छोट जहन बरकट् डेटि लावा जिन्गिक् सुरवाट हुइल महसुस कर्टि लावा योजना, लावा कामकाज से सुरु करजाइट् । इहे बेलाहो लावा घर बनैना लावा जोर्या डुल्हा डुल्हि खोन्जा ओ भोज कर्ना । 

माघेम थारुनके सक्कु जहान जुट्हि पर्ना रहट् । इहे बेला हो घरक लावा किसन्वा बनैना घर फुट्ना बनैना ओ गाउँक भलमन्सा छन्ना ओ गाउँक लावा निइम बनैना, गाउँक सक्कु हाल खवर बुझके निइम पक्का बनैना । 

माघ महिनक सुवाट कलसे थरुनके गाउँक भल्मनसा ओ गरक किसन्वा मार्फट गाउँ ओ घर चलैना सक्कु निइम कानुन बनैना काम हुइट । 

असिके थारुनके गाउँ समाज अपन अपन देस ठाउँ अनसार नियम फेन फरक फरक बनाइल डेखजाइट । एक बरसके लाग समाज उहे समाजके नियममे चल्ना कहिके खुसयालीक संग मघौटा शुभकामना बाँटचुट करजाइट । 

निप्टल ।